Islamic ChemistLABARAI/NEWS

DALILAN DA SUKE KAWO YAWAN YIN FITSARI?

DALILAN DA SUKE KAWO YAWAN YIN FITSARI?

Akwai abubuwa da dama da kan iya kawo yawan fitsari, tun daga canjin yanayi, zuwa yawan shan ruwa ko kayan shaye-shaye, zuwa samun juna biyu zuwa rashin lafiya zuwa magunguna. Yawan fitsari na faruwa yayin da mutum ya ga cewa yawan zuwa bandakinsa domin fitsari ya karu, ko yawan fitsarin da ke zuba ya karu ko da ba samu karuwar zuwa bayan-gidan ba.

Canjin yanayi daga na zafi zuwa na sanyi zai iya kawo yawan fitsari. Yawa a nan na nufin zubar fitsari mai yawa ba kadan ba. Yawan shan abubuwa masu ruwa ma kan iya kawo irin wannan yawan. Mai juna biyu ma da ya fara girma za ta rika jin fitsari a kai-a kai saboda mahaifa na danno mafitsara. Sai rashin lafiya.

Ana ganin shigar kwayoyin cuta mafitsara kan iya sa yawan fitsari, amma a nan yawan na nufin yawan jin fitsarin, don ko an je ba a
ganin yana zuba da yawa. Wani ciwo mai kawo irin wannan alama kuma shi ne na kumburin prostate a maza wadanda suka manyanta.

Sai matsalar ciwon suga, wadda ita kuma za ta iya kawo yawan yin fitsari a kai-a kai, kuma mai yawa ba kadan-kadan ba. Sai matsalar ciwon koda, ita ma za ta iya kawo yawan fitsari kafin daga bisani ya dauke a wasu lokutan.

Daga karshe sai wasu magunguna. Magungunan da akan ba wasu wadanda ruwa ya taru a jikinsu kamar masu hawan jini misali ko masu ciwon hanta, kan iya sa yawan fitsari. Akwai wasu na gargajiya ma wadanda mutum kan saya ya sha haka nan a titi, su ma za su iya kawo yawan fitsari. Don haka duk wanda yake da alamomin yawan fitsari ba na canjin yanayi ko na shaye-shaye ba yana da kyau ya je a duba shi, in ta kama ma a yimasa gwaje-gwaje don a tantance matsalar, Wannan shine!

MAGANIN YAWAN FITSARI


Wanda yake fama da yawan fitan fitsari, ga wata fa’ida nan a jarraba:

Asamu garin Habbatus Sauda cokali 4. Ahada da ‘bawon Kwan kaza, atsaftaceshi awankeshi sannan anikashi. Asamo cokali uku na garinsa.

Kullum arika zuba cokali guda acikin nono kofi guda, sannan asha.

Haka za’a rika zuba cokali guda cikin kofin Madara ko nono ana sha har tsawon sati guda.

Insha Allahu za’a dena jin yawan fitsarin. Hakanan masu fama da yawan zubar Maziyyi suma idan sunyi zasu dace insha Allahu.

DAGA GROUP ME SUNA MAGANI A GONAR YARO

Related Articles

Leave a Reply

Your email address will not be published.

Back to top button