BA HAKA MUKA SO BA ‘Yan Najeriya sun yi Allah-wadai da budewa tawagar Shugaba Buhari wuta a Jihar Katsina
Al’ummar Najeriya a shafukan sada zumunta sun bayyana harin da aka kaiwa shugaban kasa Muhammad Buhari a matsayin abun takaici wanda galibin ‘yan Najeriya ba haka suka so ba
Wasu ‘yan ta’adda a ranar Talata sun bude wuta kan ayarin motocin shugaban kasa Muhammadu Buhari da aka tura gabanin tafiyarsa zuwa Daura jihar Katsina domin gudanar da bukukuwan Sallah
Sanarwar da babban mataimaki na musamman ga shugaban kasa kan harkokin yada labarai Garba Shehu ya fitar mai take Jami’an tsaron fadar shugaban kasa sun fatattaki ‘yan tawagar da suka kai hari gabanin ziyarar shugaban wanda SaharaReporters ta samu ta tabbatar da harin
Sai dai ya kara da cewa jami’an soji da ‘yan sanda da kuma ma’aikatar harkokin wajen kasar da ke cikin ayarin motocin sun dakile yan ta’addan
Ya ce Fadar shugaban kasa ta bayyana a matsayin abin bakin ciki da rashin jin dadi lamarin harbin da ya faru a kusa da Dutsinma a jihar Katsina, a kan ayarin motocin da ke dauke da jami’an tsaro da jami’an tsaro na Advance da protocol da kuma jami’an yada labarai gabanin tafiyar shugaban kasa Muhammadu Buhari zuwa Daura Sallah
Maharan sun bude wa ayarin motocin wuta ne daga inda suka yi musu kwanton bauna amma sojoji da ‘yan sanda da jami’an DSS da ke tare da ayarin sun dakile
Mutane biyu da ke cikin ayarin motocin suna karbar magani kan kananan raunukan da suka samu. sauran ma’aikata da ababan hawa sun isa Daura lafiya
