ylliX - Online Advertising Network Za Mu Cire Tallafin Man Fetur A 2023, Cewar Gwamnatin tarayya - AMINCI HAUSA TV
LABARAI/NEWS

Za Mu Cire Tallafin Man Fetur A 2023, Cewar Gwamnatin tarayya

Za Mu Cire Tallafin Man Fetur A 2023, Cewar Gwamnatin tarayya

Ministar kuɗi, kasafi da tsare-tsare ta Najeriya Hajiya Zainab Ahmed ta ce gwamnatin tarayya za ta daina biyan kuɗin tallafin man fetur a watan Yunin 2023.

Hajiya Zainab ta bayyana haka ne a lokacin taron manema labarai da ta gudanar a Abuja babban birnin ƙasar bayan kammala taron tattalin arziki na ƙasa karo na 28.

 

 

Kamfanin dillacin labaran ƙasar ya ruwaito cewa biyan tallafin kudin man fetur ya laƙume naira tiriliyan 2.565 tsakanin watan Janairu zuwa Agustan 2022.

Haka kuma a cikin kasafin kudinta, gwamnatin tarayya ta ƙiyasta kashe naira tiriliyan 3.3 wajen biyan tallafin man tsakanin watan Janairu zuwa Yunin 2023.

Ta ci gaba da cewa kuɗin tallafin man na kawo wa kasafin kudin giɓin da dole sai an ciwo bashi kafin cike shi Ba kuɗi ne da muke da su a hannu ba, kudi ne da muke karɓo bashinsu domin biyan tallafin”, in ji ministar.

“Wasu ƙasashe sun fara biyan tallafi saboda annobar Korona, da batun yaƙin Ukraine, to amma suna amfani da kuɗaɗensu wajen biyan tallafin, to amma mu bashi muke karɓowa domin biyan tallafin, to kun ga duka biyu kenan, dan haka dole mu dakatar da shi”, in ji ministar

Related Articles

Leave a Reply

Your email address will not be published. Required fields are marked *

Back to top button